Neft qiymətlərində artım davam edir

Birjalarda xam neft qiymətləri həftəni artımla tamamlamağa yönəlib.

Koronavirusa qarşı peyvəndlə bağlı müsbət inkişafların yaratdığı nikbin gözləntilər həftə ərzində neft qiymətlərinin bahalaşmasına səbəb olub. Belə ki, peyvəndlə bağlı inkişaflar bazarlardakı qeyri-müəyyənliyi aradan qaldırıb.

Qeyd edək ki, dünən “Brent” markalı xam neftin bir barrelinin qiyməti martın 6-dan indiyədək ilk dəfə psixoloji hədd sayılan 50 dolları keçmişdi. “Light” markalı xam neftin qiyməti isə oktyabr ayından bu yana 30 faiz artıb.

Hazırda “Brent” neftinin bir barreli Londonun ICE birjasında 50,18 dollara, “Light”ın bir barreli isə Nyu-Yorkun NYMEX birjasında 46,82 dollara satılır.