Ali Baş Komandana yeni mahnı ithaf edildi- VİDEO

Azərbaycan Prezidenti, Müzəffər Ali Baş Komandan İlham Əliyevə,Azərbaycan Dövlətinə mahnı həsr olunub.

“Dövlət bizik” adlanan mahnının musiqisi bəstəkar Şahin Musayevə, sözləri görkəmli və tanınmış yazıçı publisist Yunus Oğuza məxsusdur.

Azərbaycanlı tenor, opera ifaçısı, Azərbaycan Respublikasının xalq artisti Samir Cəfərovun ifa etdiyi mahnı artıq efirlərdə səslənməkdədir. Əsərin mövzusu  Azərbaycanın Vətən Müharibəsi, Ordumuzun əsgərlərinin Qarabağ savaşında qazandığı Qələbə və Müzəffər Ali Baş Komandanın xalqımız qarşısında misilsiz xidmətlərini əhatə edir.

Qeyd olunur ki, indiyə qədər Vətənə, Azərbaycana, Qarabağa bir-birindən gözəl mahnılar bəstələnib. “Dövlət bizik” mahnısının diqqəti çəkən bir xüsusiyyəti də var ki,burada xalqın Ali baş Komandanımızın ətrafında yumruq halda sıx birləşməsi, dövlət və dövlətçilik anlayışı xüsusi olaraq önə çəkilir və əsəri daha da əzəmətli edir.

Mahnını  Fərahim Sadiq  aranjeman edib.