Myanma qaçqınlarına daha bir məhdudiyyət
Banqladeş höküməti Myanmadan rohinja qaçqınlarının ölkəyə girişinə məhdudiyyət qoyub. Qaçqınlar öz ölkələrinə qayıdana qədər, yalnız miqrantlar üçün ayrılmış düşərgələrdə qala bilərlər. Beynəlxalq Miqrasiya Təşkilatının məlumatında qeyd olunur ki, bu ilin avqustun 25-dən sentyabrın 15-dək Myanmadan Banqladeşə gələn rohinya qaçqınlarının sayı 409 min nəfər olub. Sonrakı günlərdə bu rəqəm yenə artıb.
Banqladeş polisi bildirir ki, qaçqınlar bu ölkənin ərazisində öz qohumları, dostları və tanışları ilə birlikdə yaşaya bilməzlər. Hökümət onların müvəqqəti yaşayışı üçün xüsusi yerlər ayırıb və bunun üçün bütün lazımi tədbirlərin görülməsinə sərəncam verib. Qaçqınlara ilk növbədə, ərzaq verilməsi və tibbi yardım göstərilməsi nəzərdə tutulub. Müsəlman rohinjaların məskunlaşdıqları düşərgədən kənara çıxmamaları, avtomobil, dəmir yol və dəniz nəqliyyatından istifadə etməmələrinə xüsusi tapşırıq verilib.
Ölkə polisi sürücülərə müraciət edərək, rohinja millətinə mənsub olanlara xidmət göstərməməyə çağırıb.