İcra başçısı Əziz Əzizov səyyar qəbul keçirdi – FOTOLAR

İcra başçısı Azərbaycan Respublikası Prezidentinin imzaladığı fərman və sərəncamlar haqqında geniş məlumat verərək, vətəndaşların rifahının yaxşılaşdırlması istiqamətində aparılan sosial islahatları bir daha sakinlərin diqqətinə çatdırdı. Yasamal rayonunda abadlıq-quruculuq, yenidənqurma işlərinin, eləcə də əsaslı sosial infrastruktur layihələrin sürətlə davam etdirilyini bildirdi.

Ə.Əziziov uzun illərdir ki, istismar müddəti keçmiş, şəhərin ümumi görünüşünə xələl gətirən, qəzalı vəziyyətdə olan və mövcud şəhərsalma normalarına cavab verməyən yaşayış binalarının söküləcəyini nəzərə çatdırdı.  Əvəzində yeni, müasir evlərin tikilməsi, sakinlərin mənzil-məişət şəraitinin yaxşılaşdırılması istiqamətində görülən işlərdən danışdı. Rayonun C.Cabbarlı, F.İbrahimbəyov, S.Salayev və İ.Əbilov küçələrinin bir hissəsində qəzalı vəziyyətdə olan evlərin yerində “Pilot layihə” çərçivəsində yeni, müasir binaların inşa ediləcəyi haqqında sakinləri məlumatlandırdı.

Layihə çərçivəsində həmin evlərdə yaşayan sakinlərin müvəqqəti olaraq başqa mənzillərə köçürüləcəyini, onlara kirayə qalacaqları mənzillərə görə, kirayə haqlarının ödənəcəyini söylədi. Yeni yaşayış binaları inşa olunduqdan sonra, sakinlərin mənzilinin ümumi sahəsindən əlavə 20 faiz artıq sahə və təmir olunmuş mənzillərlə təmin ediləcəyini bildirdi.

İcra başçısı çıxışının sonunda bildirdi ki, ölkə başçısı İlham Əliyevin şəxsi təşəbbüsü və tapşırığına əsasən həyata keçirilən “Pilot layihə” dövlətin vətəndaşına göstərdiyi diqqət və qayğının bariz nümunəsidir.

Rayon sakinləri onları narahat edən suallarla bağlı Əziz Əzizova müraciətlər etdilər. O, sakinləri maraqlandıran məsələlərin müsbət həllini təmin etmək məqsədi ilə xidmət strukturlarının rəhbərlərinə yerindəcə müvafiq tapşırıqlar verdi.MediaZona.Az