Ölüm ayağında olan “vor-zakon”un yerinə kim keçəcək? – FOTO
Rusiyanın Sverdlovsk vilayətinin şərqindəki kriminal strukturlar yaxın zamanlarda “rəhbərsiz” qala bilər.
Bəzi məlumata görə, “başçı” “Vaqif Kamışlovski” (Vaqif Güləhməd oğlu Sultanov) ağır qaraciyər xəstəliyindən ölmək üzrədir. O, bir neçə gün öncə palliativ müalicə üçün xəstəxanadan evə buraxılıb. Hazırda 67 yaşlı avtoritet ağır vəziyyətdədir. O, artıq heç kimi tanımır. Azərbaycan diasporası “vor zakon”un xaricdə müalicəsi üçün pul toplamağa başlayıb.
Qeyd olunur ki, “Kamışlovski”nin aktiv işlərdən uzaqlaşması kriminal aləmdəki vəziyyətə də təsir edib. Hələ apreldə “hakimiyyət”in “Vorotnik”ə (Aleksandr Vorotnikov) təhvil verilməsinin planlaşdırıldığı oğru “sxodka”sı dağıdılıb. Mütəşəkkil Cinayətkarlıqla Mübarizə İdarəsinin (OBOP) əməkdaşları tərəfindən güc tətbiq edilərək görüşün qarşısı alınıb.
“Vaqif Kamışlovski”nin yerinə keçə biləcək namizədlər arasında “Lotu Quli”, “Aqayar Aqayev”, “Qiya Akoyev” də var. Bu “qanuni oğru”lardan hansının “rəhbər” olacağı Vaqif Sultanov tərəfindən müəyyənləşdirilməlidir.