Bakı-Ankara qatarı İŞƏ DÜŞÜR – Tarix və qiymətlər

Bakı-Ankara sərnişin qatarı bu ilin avqust ayında işə salınacaq.

Bu barədə iki ölkə arasında razılıq əldə edilib.

Səfərlər Azərbaycan Dəmir Yollarının “Stadler” şirkətindən aldığı qatarlarla həyata keçiriləcək.

Hələ ki, həftədə bir dəfə səfər təşkil ediləcək. Növbəti ildən qatarların sayı artdıqca səfər sayında da dəyişiklik olacaq.

Qatarda Bakıdan-Ankaraya səfər 40 saat olacaq, bu müddətin azaldılması planlaşdırılır. Qatarda səfərin qiyməti isə yerdən asılı olaraq 350-380 Türk lirəsi (96-104 manat) olacaq. Bu 233 manatlıq təyyarə biletindən ucuz, 77 manatlıq avtobus qiymətlərindən isə bahadır.

Qatarda 53 ekonom kabin var. Bu kabinlərin hər birində 4 yataq var.

Qatarda fiziki qüsurlu insanlar üçün xüsusi yataq və tualet mövcuddur. Qatarda yemək qidmətini Azərbaycan Dəmir Yolları təşkil edəcək. Nahar və axşam yeməyi yemək vaqonunda veriləcək, səhər yeməyi isə kabinlərə gətiriləcək.

246 nəfərin eyni vaxtda səyahət etməsinin mümkün olduğu qatarın yemək vaqonu 28 yerlikdir. Bunun da sıxlığa səbəb olacağı ehtimal edilir.MediaZona.Az