Diasporla İş üzrə Dövlət Komitəsində Xarici İşlər nazirinin müavini ilə görüş keçirilib

Gürcüstanın  Xarici İşlər nazirinin müavini Laşa Darsalianın rəhbərlik etdiyi nümayəndə heyəti Diasporla İş üzrə Dövlət Komitəsinin sədri Fuad Muradovla görüşüb.

Komitədən MediaZona.Az-a daxil olan məlumata görə, Fuad Muradov ölkəmizin diaspor siyasəti haqqında məlumat verib və bu sahədə görülən işlərdən danışıb.

Xarici  İşlər nazirinin müavini ölkələrimiz arasında əlaqələrin uğurlu inkişafı barədə fikirlərini bölüşüb və münasibətlərin səviyyəsindən məmnunluq ifadə edib.

Görüşdə Gürcüstanda yaşayan soydaşlarımızın yaşadıqları cəmiyyətə daha yaxşı inteqrasiyası olunması, sosial-iqtisadi yönümlü ortaq layihələrin tətbiqi, Gürcüstan azərbaycanlılarının təhsil imkanlarının daha da artırılması yolları ilə bağlı fikir mübadiləsi aparılıb.