Hikmət Şikarov: Bələdiyyələr cəmiyyətimiz, dövlətimiz və hər bir vətəndaşımız üçün çox vacibdir

Ötən gün 2018-ci il tarixində Bakı şəhəri Pirallahı rayonu Pirallahı bələdiyyəsində “Demokratiya həftəsi” layihəsi çərçivəsində keçirilən silsilə tədbirlərin yekunu olaraq “Bələdiyyələr və vətəndaş münasibəti” başlığı altında tədbir keçirildi. Tədbiri giriş sözü ilə açan Pirallahı Rayon İcra Hakimiyyəti başçısı Aparatının  Ərazi idarəetmə və yerli özünüidarəetmə orqanları ilə  iş şöbəsinin müdiri Hikmət Şikarov bələdiyyələrin seçilməsi, onların təşkil edilməsi, gələcək fəaliyyətinin  bizim cəmiyyətimiz, dövlətimiz üçün və hər bir vətəndaş üçün çox vacib olduğunu qeyd etdi.

Pirallahı bələdiyyəsinin sədri Əliyulla Əliyev öz çıxışında bələdiyyələrin yaranma tarixindən danışaraq qeyd etdi ki,  ölkəmizdə bələdiyyələrin yaranması, formalaşması və hüquqi bazası məhz ümummilli lider Heydər Əliyevin adı ilə bağlıdır. Onun fəaliyyəti dövründə, 12 noyabr 1995-ci ildə qəbul edilən Azərbaycan Respublikasının Konstitusiyasında ilk dəfə olaraq bələdiyyələrin hüquqi statusu qanun çərçivəsində müəyyənləşdirilmişdir. Ulu öndər çıxışında belə bir məqama da toxunmuşdur ki, “Biz Azərbaycanda tam müstəqil yerli özünüidaretmə orqanları yaradırıq. Bu, həm də demokratiyanın inkişafı deməkdir, eyni zamanda ölkəni idarə etməkdə vətəndaşlarımıza imkanlar yaranmasının göstəricisidir. Bələdiyyələr dövlətin gördüyü işlərin böyük bir hissəsini öz üzərilərinə götürərək, dövlətin yükünü müəyyən qədər yüngülləşdirəcəklər. Məhz ümummilli liderin tövsiyəsi və xeyir-duası ilə formalaşan və fəaliyyətə başlayan bələdiyyələr artıq 18-ci ildir ki, yerli özünüidarəetmə qurumu kimi özünü təsdiq etməkdədir.

Pirallahı bələdiyyəsinin ümumi şöbəsinin rəisi Aytən Əliyeva  Bələdiyyələr və vətəndaş münasibətləri, bələdiyyələrin fəaliyyətində sakinlərin rolu və hüquqlarından bəhs etdi. Bildirdi ki, təməli ümummilli lider Heydər Əliyev tərəfindən müəyyənləşdirilmiş demokratik inkişaf yolu Prezident İlham Əliyev tərəfindən uğurla davam etdirilir. Respublikamızda demokratiya tələb və prinsiplərinin qorunmasında, cəmiyyətin demokratik fəallığının artmasında yerli özünüidarəetmə orqanları olan bələdiyyələrin də xüsusi rolu vardır.  Bu özünü son illərdə real olaraq daha qabarıq göstərir. Yerli idarəçilik sisteminin xalqın istəklərinə uyğun şəkildə təşkil olunmasında bələdiyyə və vətəndaş münasibətlərinin mühüm və səmərəli dövrü, fəal “faza”sı olan, demokratik təzahürləri daha əhatəli əks etdirən, ölkəmizdə əhali tərəfindən maraqla gözlənilən və artıq yaxşı ənənə halını almış “Yerli Demokratiya həftə”ləri xüsusi əhəmiyyət kəsb edir.

Pirallahı rayon MKTB-nın rəisi Manaf Manafov isə öz çıxışında rayon ərazisində aparılan abadlıq-təmizlik işlərində, sakinlərin mənzil-kommunal problemlərinin həllində bələdiyyələr və rəhbərlik etdiyi Birliyin əlaqəli işindən danışdı.

Rayon Ağsaqqallar  şurasının üzvü olan Süleyman Süleymanov öz çıxışında Pirallahı bələdiyyəsinin qəsəbədə gördüyü işləri yüksək qiymətləndirərək öz minnətdarlığını bildirdi.

Tədbirin sonunda «Bələdiyyə-vətəndaş, vətəndaş-bələdiyyə əlaqələr»inin möhkəmləndirilməsində göstərdiyi xidmətlərə görə bir qrup qəsəbə sakini bələdiyyənin Fəxri Fərmanı ilə təltif olundular. MediaZona.Az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir