“Zərdüşt Əlizadə axmaqdır” – Pənah Hüseyn QƏZƏBLƏNDİ

Azərbaycan Xalq Partiyasının lideri, sabiq baş nazir Pənah Hüseyn Azərbaycan Sosial Demokrat Partiyasının qurucusu, politoloq Zərdüşt Əlizadənin onun haqqında söylədiyi fikirlərə cavab verib. 
P.Hüseyn Demokrat.Az-a açıqlamasında bildirib ki, Zərdüşt Əlizadə tamamilə yalan danışır:
“Zərdüşt Əlizadənin müsahibəsində söylədiyi, o cümlədən mənim haqqımda dediyi fikirlərin 99 faizi yalan və iftiradır. Biz onun bu iftiralarını konkret dəlillərlə sübut edəcəyik. Bilirsiniz, adam var yaşa dolduqca müdrikləşir, adam da var yaşa dolduqca axmaqlaşır. Zərdüşt Əlizadə də axmaqdır”.
Sabiq baş nazir deyib ki, Zərdüşt Əlizadədə Azərbaycan Xalq Cəbhəsi fəallarına qarşı kin və nifrət var:
“Ona elə gəlir ki, Zərdüşt Əlizadə Azərbaycanın lideri olmalıymış. Ancaq özünün səhvləri, bacarıqsızlığı və istedadsızlığındakı uğursuzluğunu ayrı-ayrı adamlara nifrət şəkilində üzə çıxarır. Hesab edirəm ki, bu həm də psixi xəstəlikdir”.
P.Hüseyn yaxın günlərdə Zərdüşt Əlizadəyə ətraflı cavab verəcəyini söyləyib.
Xatırladaq ki, Zərdüşt Əlizadə Azərbaycanın eks-prezidenti Əbülfəz Elçibəy, baş nazir Pənah Hüseyn, daxili işlər naziri İsgəndər Həmidov və digər bu kimi şəxslər haqqında qalmaqallı və tənqidi fikirlər səsləndirib.