“Kanada silahı PKK terrorçularının əllərinə keçib” – Türkiyə araşdırma tələb edir
Türkiyə Kanada hakimiyyətinə PKK terrorçularının Kanada silahının istifadəsi ilə bağlı faktı araşdırmaq tələbi ilə müraciət edib.
Daha öncə Kanadanın bir sıra KİV-lərində “Kanada istehsalı olan silah PKK terrorçularının əlinə keçib” adlı məqalə dərc olunub. Məqalədə qeyd olunur ki, PKK terrorçularında NEA-15 markalı Kanada silahı aşkarlanıb.
Məlumata əsasən, silah Türkiyə SQ-in Mardində keçirdiyi xüsusi əməliyyat zamanı aşkar olunub. Məhz bu əməliyyat çərçivəsində, mağarada keçirilən axtarışlar zamanı Kanada nümunəli avtomatlar tapılıb.
Məqalənin müəlifi qeyd edir ki, 2016-ci ildə İraqın şimalında hərbi birləşmələrə NEA-15 avtomatları satılıb. Bununla yanaşı, qeyd olunur ki, şirkətin təmsilçiləri regiona səfər də ediblər: “Həmin ildə Kanadadan İraq mindən artıq silah satılıb”.