Elmar Vəliyevi vuran Yunis Səfərov öldürülübmü?-FOTO
Məlum olduğu kimi ötən gün Gəncə icra hakimiyyətinin başçısı Elmar Vəliyevə və onun mühafizəçisinə qarşı silahlı hücum edilib.Minval.info xəbər verir ki, son məlumatlara görə, onların hər ikisi yaraılıdr və xəstəxanada müalicə alırlar. Baş vermiş hadisə ölkədə geniş səs-küyə səbəb olub.
Əhali arasında Elmar Vəliyevi vuran Yunis Səfərovun tutularaq polisdə işgəncə altında olduğu və hətta öldürüldüyü də deyilir. Yunis Səfərova işgəncə verildiyi və bunu təsdiq edən fotolarının yayılması böyük müzakirəyə səbəb olub.
DİN-in Mətbuat Xidmətinin rəisi, polis polkovniki Ehsan Zahidov fotoşəkilin uydurma olduğunu, yayılan məlumatların isə tamamilə yalan olduğunu bildirib:
“Həmin şəxs polis və prokurorluq əməkdaşlarının dərhal əməliyyat axtarış tədbirləri nəticəsində isti izlərlə yaxalanıb. Prokurorluq orqanlarında cinayət işi qaldırılıb və istintaq gedir. Cinayəti törədən şəxs istintaq altındadır. Ona hərhansısa bir işgəncədən, təzyiqdən söhbət belə gedə bilməz”. MediaZona.Az
